برياني دجاج
المقادير على حسب الكميه للي تبينها
صدور دجاج مقصصه مكعبات
بطاطس مقصص مكعبات ومقلي
طماط مقطع مكعبات
بقدونس مفروم ناعم
علبتين زبادي الصغار
الطريقه نحمس البصل مع شويه زيت
وبعدين احط عليه الدجاج واحمسهم مع بعض
الطريقة
وتالي احط عليها البهارات انا استخدم الفلفل الاسود والكزبره الناشفه
وتالي اضيف له صلصه الصويا واحمسهم مع بعض واخليه على نار شوي هاديه
وتالي ازيد النار عليه واضيف له الطماط المقصص واحمسهم عدل مدل
وبعدين اضيف لهم الزبادي واخلطهم مع بعض
ولما احس انه تسبك شوي مع بعض اضيف له البطاطس وترى البطاطس مايتحمل طبخ وايد جذيه قلبتين وسكري عليه
اخر شي اضيف له البقدونس المفروم وهو مسكر عليه النار
اخليه على جنب واغسل الرز وانقعه بماي حار لمده جذيه عشر دقايق وتالي اطبخه مع ماي وملح وشويه زيت واخليه على النار مده 7دقايق بالضبط ماتزيدين عليه علشان مايصير لين
وتالي اشخليه وهنيه عاد سوي الرز مع حشو البرياني طبقات يعني طبقه رز وحطي عليه شويه هيل مطحون
وتالي طبقه حشو
لين يخلص عندج المقدار واخر شي حطي الزعفران المنقع مع ماي الورد بوسط الجدر
وخليه على نار هاديه وتحته الحديده لمده نص ساعه وتالي حطيه بطيق التقديم وحطي معاه الحشو
وهذي صوره الحشو لاني ماحطيته على البرياني لان اليهال وابو الشباب مايبونه
وبالعافيه على قلوبكم
اتمنى يكون اعجبكم وياليت اشوف الردود اللي تبرد القلب